На две илјади километри од Барселона, разрешениот престедател на каталонската влада Карлес Пучдемонт, денес од Осткамп во Белгија ја започна својата кампања за регионалните избори во Каталонија закажани за 21 декември.
“Ова се најважните избори на нашата историја и тие ќе ја напишат хрониката на ова столетие”, изјави Пучдемонт на овој свој прв митинг во егзил во Белгија што се одржа во една сала. Тој остро ја критикуваше шпанската влада. За референдумот од 1 октомври тој рече дека “ние Каталонците му покажавме на светот дека имаме и волја и капацитет да бидеме независни”.
Пучдемонт денес ги направи и своите официјални фотографии за кампањата. Во салата денес имаше каталонско и европско знаме но не и знамето на поддржувачите на неависноста познато како “естелада”.
На 27 октомври каталонската влада гласаше за независност на регионот а веднаш потоа регионот беше ставен под контрола на Мадрид. Овој настан ја создаде најголемата политичка криза во Шпанија откако земјата стана демократска во 1978 година.
Пучдемонт е во егзил во Белгија заедно со уште четворица министри од неговата влада. Белгиската правда го остави на условна слобода откако решаваше по барањето на шпанската правда за затворање и екстрадиција на петмината Каталонци.
Повеќе од половината на каталонската влада е во затвор во Мадрид поради “побуна” и “непослушност” па сепак партиите што бараат одвојување од Шпанија решија да излезат на избори на 21 декември.