Вооружен маж рано утрово отвори оган кон автобус во близина на Стариот град во Ерусалим и рани осум израелски државјани. Осомничениот најпрво се дал во бегство, но подоцна ѝ се предал на полицијата од каде засега не се соопштуваат детали за неговиот идентитет.
Локални медиуми објавува оти постои сомнение дека извршителот е Палестинец. Денешниот напад следува по тензиите меѓу Израелците и Палестинците во Појасот Газа и на Западниот Брег.
Две од повредените лица, според израелските медиуми, се наоѓаат во тешка состојба, меѓу кои и трудница со рани во стомакот и маж со прострелни рани во главата и вратот.
Оганот бил отворен додека автобусот бил паркиран во близина на Ѕидот на плачот, кој се смета за најсвето место каде Израелците можат да се молат.