Неколку лица се загинати во престрелката која се случи во трговски центар во германскиот град Минхен, јавува Би-Би-Си. Мотивите за нападот се уште се непознати, а има и повеќе повредени лица.
Како што јавува медиумот, полицијата се уште нема информации за тоа каде се наоѓа напаѓачот (или напаѓачите), а на луѓето во Минхен им е кажано да не ги напуштаат домовите.
Инаку во моментов се уште е во тек голема полициска операција во трговскиoт центар Олимпија. Хеликоптери го надлетуваат трговскиот центар, а на работниците им е забрането да ги напуштат продавниците. Како што јавуваат медиумите запрено е движењето на возовите во метрото, трамваите и автобусите.
Како што објави „Билд“, вооружен маж трчал низ трговскиот центар и пукал во луѓето. После тоа избегал кон метрото. На социјалната мрежа Твитер, се појави и видео од тоа како луѓето бараат засолниште по пукањето.
Shooting in #Munich shopping mall #OEZ!! People running away to seek shelter!! pic.twitter.com/PB189s6RQy
— Thamina Stoll (@thaminastoll) July 22, 2016
Безбедносните сили во Германија се во состојба на подготвеност откако во понеделникот имигрант од Авганистан со секира и нож изврши напад во воз рани пет лица во Баварија, Властите предупредија на опасност од нови напади.