Два одвоени инциденти со пукање од огнено оружје според СВР Скопје се регистрирани изминатата ноќ во скопското село Арачиново.
Вчера околу 20,00 часот во СВР Скопје, А. Р. пријавил дека Ш.Б. и И. Б. од огнено оружје -пиштол испукале три проектили во неговата куќа лоцирана на ул.„10“ во с.Арачиново. Од страна на УПС било излезено на лице место и при обавениот разговор, А.Р. изјавил дека
причина за пукањето било меѓусебно недоразбирање.
Од испуканите проектили нема повредени лица, а на местото на настанот е извршен увид. Се преземаат мерки за расчистување на случајот.
Триесет минути по полноќ во СВР Скопје, од страна на граѓанин било пријавено дека во с.Арачиново, кај старото училиште се слушало пукање од автоматско оружје.
Од страна на УПС било излезено на лице место, при што е дознаено дека непознати лица кои се превезувале во ПМВ кое било во движење, пукале кон паркирано ПМВ “БМВ“ , при што од испуканите проектили нема повредени лица.
На местото на настанот е извршен увид и од страна на СВР Скопје се преземаат мерки за пронаоѓање на сторителите и за расчистување на случајот.