Published: Tuesday, August 22, 2017 13:34
Здравко Мамиќ, советникот на хрватскиот фудбалски клуб Динамо Загреб е ранет во ногата, јавуваат хрватските медиуми. Веста ја потврдил и неговиот адвокат Иван Станиќ.
Во контроверзниот фудбалски менаџер од Хрватска пукале двајца кои за полицијата се уште се непознати за време кога тој бил на погреб во Томиславград.
Мамиќ веднаш бил пренесен во болницата во Томиславград и е во стабилна состојба.
Фудбалскиот клуб Динамо Загреб соопшти дека наскоро ќе објави повеќе детали за инцидентот со Здравко Мамиќ.