Гардиjан и Вашингтон пост се наградени со највисоките признанија во американското новинарство, со освојување на Пулицеровата награда за јавна служба, за нивните текстови за активностите за надзор на Националната агенција за безбедност врз основа на протекувањето на Едвард Сноуден.
Наградата, објавена во Њујорк во понеделник, доаѓа 10 месеци откако Гардијан го објави првиот извештај врз основа на протекување од Сноуден, откривајќи колекција на агенцијата на САД, во која ги снимала телефоните на граѓаните.
Во серија на статии што следеа, тимови на новинари на Гардијан и Вашингтон Пост ги објавија најзначајните обелоденувања на тајни на американската влада од времето на документите од од војната во Виетнам во 1971 година.
Пулицеровиот комитет го пофали Гардијан за неговото “откривање на широко распространетиот таен надзор од страна на Националната агенција за безбедност, помагајќи преку агресивно известување да предизвика дебата за односот меѓу владата и јавноста околу прашањата на безбедноста и приватноста”.
Сноуден, во соопштението, рече: “Денешната одлука е потврда за секого кој верува дека јавноста има улога во владата. Ние го должиме тоа на напорите на храбрите новинари и нивните колеги кои продолжија да работат пред огромни заплашувања, вклучувајќи го и принудното уништување на новинарски материјали, несоодветно користење на законите против тероризмот, и толку многу други средства за притисок за да се натераат да престанат, за она што светот сега признава дека беше работа од витално значење за јавноста. “