Претседателот на Русија, Владимир Путин во своето годишно обраќање, изјави дека никој во светот не може да има илузија дека воено е помоќен од Русија, бидејќи Русија тоа нема да го дозволи.
Тој исто така смета дека тоа што други земји во светот го зголемуваат својот стратешки потенцијал, во однос на можностите на ракетен штит, може да доведе до поништување на сите претходни договори во стратешките области.
„Предизвикува загриженост тоа што други земји развиваат потенцијал на нови прецизни системи кои наликуваат на атомски експлозивни направи од мала сила, стратешки ракети со конвенционално полнење, конвенционални системи наменети за нанесување удари во краток временски интервал на голема оддалеченост. Внимателно го следиме развојот на таканаречените концепции за разоружување на моменталниот глобален удар“, укажал Путин за време на своето годишно обраќање во Горниот и Долниот дом на рускиот парламент.
Тој нагласил дека „противракетниот штит според самото име е одбранбен систем“, а дека во пракса тоа е „суштински дел со стратешко напаѓачки потенцијал“.