Рускиот претседател Владимир Путин денеска нагласи дека има одреден напредок во разговорите на Москва со Украина, но не даде детали.
„Има одредени позитивни поместувања, ми велат преговарачите од наша страна“, рече Путин на средбата со неговиот белоруски колега Александар Лукашенко, додавајќи дека разговорите продолжуваат „практично на дневна основа“ без да прецизира за каков прогрес се работи.
Лукашенко рече дека донел мапа на состанокот, која, според него, ги открива плановите на Украина за напад на Белорусија.
– До крајот на годината луѓето ќе заборават на конфликтот во Украина – изјави Лукашенко.
Путин додаде дека СССР отсекогаш живеел под санкции и успеал, а потоа ги нарече западните санкции како шанса за зајакнување на технолошкиот суверенитет.
– Тоа е голем удар за руската економија, но сѐ уште функционира во областите каде што претходно беа воведени санкции – рече Путин.