Владимир Путин ги отфрли наводите дека неговата Русија има негативни ефекти поради санкциите од Запад и истакна дека тие само ќе ја охрабрат државата да изгради поблиски односи со Кина, Индија и државите од Латинска Америка.
Тој ги опиша санкциите на Запад како потполна глупост, која само го погодила бизнисот на Запад и им понуди можност на некои други држави да влезат на рускиот пазар.
Според рускиот претседател санкциите, поради улогата на Москва во украинската криза, само ги кршат основните принципи на Светската трговска организација СТО и нанесуваат трајна штета на глобалната економија.
– Остануваме мирни поради тоа. Нанесена е штета врз основа на основните принципи на СТО, светската и пазарна економија и конкуренција на бизнисот, довербата во меѓународните финансиски институции, а поткопани се и резервите на доларот и еврото, вели Путин.
Тој додаде дека таквите акции иако не се видливи на прв поглед ќе нанесат долгорочни штети на целата светска економија.
-Би сакал да се надевам дека ќе го надминеме овој период и дека ќе дојде до стабилен тренд на светскиот економски развој, а Русија сигурно ќе придонесе во тоа, заклучи претседателот на Русија.