Растот на цените во Русија е запрен од втората половина на мај, а инфлацијата сега е на нула, изјави рускиот претседател Владимир Путин на денешната средба за економски прашања, пренесе Тасс.
„Инфлацијата е ставена под контрола. На годишно ниво од 27 мај таа изнесуваше 17,4%. Истовремено, од втората половина на мај растот на цените целосно запре. Сега инфлацијата е на нула“, рече тој.
Притоа, продолжи шефот на државата, властите треба да ги имаат предвид и позитивните и негативните аспекти на оваа ситуација.
Тој рече дека „постојат плусови, но и одредени закани“.
„Морате на највнимателен начин да ја анализирате ситуацијата и да донесувате навремени одлуки“, рече тој на средбата.