Основното училиште „Крсте Петков Мисирков“ во Радовиш како правно лице и директорката Олгица Стојанова како одговорно лице се парично казнети откако минатата недела во холот на училиштето била организирана ифтарска вечера за ученици и повозрасни лица.
Ваква одлука донел Државниот просветен инспекторат откако нивни екипи извршиле увид и проверка на фактите по реакција на јавноста. Училиштето според информациите на ТВ 24 е казенто со 1.600 евра, додека директорката со 1.120 евра казна.
Според Инспекторатот одговорноста за овој случај ја има првиот човек на ова образовна институција заради што до општинските власти ќе поднесе барање за разрешување на раководното лице, бидејки дозволило верско организирање во училиште што е спротивно на законот.
Од општината кои минатата недела беа затечени од објавената снимка информираа дека немаат добиено никакво укажување од државниот просветен инспекторат. Откако ќе го добијат ќе постапат по нивните препораки, односно ќе ја отпочнат постапката и ќе достават предлог до училишниот одбор за разрешување.
Во четвртокот вечер после 19 часот во холот на ООУ „Крсте Петков Мисирков“ била организиран вески обред – ифтарска вечера на која има и оџа. Реакциите се појавија откако по социјалните мрежи беше објавен обредот на кој присуствувале стотина ученици и родители.