Словенија го победи Исланд со 26:25 во првиот меч од второто коло во групата Б на Светското ракометно првентво во Франција. Победникот беше решен во претпоследната минута. Исланѓаните имаа напад за реми што не го реализира Атласон, па Зарабец во контранапад погоди за недостижни два гола за составот на Веселин Вујовиќ.
Безјак беше најефикасен словенечки ракометар со шест гола, Елисон со седум го предводеше Исланд кој во Франција допатува без најголемата своја увезда Палмарсон. Словенците по две кола имаат две победи, Исланѓаните запишаа два пораза.
Денешниот натпреварувачки ден носи уште два меча во групата Б. Тунис за противник ја има фаворизираната Шпанија, во вечерниот термин од 20,45 часот ќе играат Ангола и Македонија.
Бразилците во меч од групата А ја совладаа Полска со 28:24. Прв стрелец во првата победа на „кариоките“ на шампионатот беше Толедо со осум погодоци.