Еурофарм Пелистер го освои годинешниот ракометен Суперкуп на Македонија, откако вечерва го совлада Вардар со 31:22.
Вардар тргна подобро и на почетокот од натпреварот имаше предност, меѓутоа битолчани успеаја да останат во мала негатива што до полувреме успеаја да ја анулираат во целост и на одмор да заминат со 14:14.
Тимот од Битола имаше доминација и постојана висока предност во второто полувреме и со многуте одбрани на голманот Секељ успеа да дојде до убедливо водство кое ги однесе до победа.
Ова е прв трофеј за Еурофарм Пелистер со кој се прекинува долгогодишната традиција на Вардар како освојувач на Суперкупот.