Published: Sunday, July 10, 2022 11:03
Секторот за внатрешни работи Тетово во координација и содејство со Секторот за компјутерски криминал и дигитална форензика на МВР целосно расчисти два случаи на коментари со заканувачка содржина со кои се промовирале или поттикнувале омраза и насилство, напишани на објави од интернет портали.
Поради сомнение дека се автори на ваквите коментари, во Полициската станица Тетово вчеравечер биле повикани Џ.Л.(40) од Тетово и Д.Р.(37), од тетовско село, со кои бил извршен службен разговор, при што Д.Р. го признал делото.
Од МВР информираат дека по документирање на случајот против двете лица ќе следуваат соодветни поднесоци.