Германија ќе го затвори својот воздушен простор за руските авиони и авиокомпании на три месеци од 15 часот денеска по локално време, соопшти неговото Министерство за транспорт.
Летовите за хуманитарна помош се исклучени од забраната, рече портпаролот на Министерството.
Министерството вчера соопшти дека се подготвува да го затвори германскиот воздушен простор за руски летови, по слични потези на други европски држави како одговор на руската инвазија на Украина.
Белгиските власти исто така соопштија денеска дека го затвораат воздушниот простор за летови на руски авиокомпании
Во меѓувреме и Брисел разгледува целосна забрана за летови на руски авиокомпании на ниво на ЕУ
Повеќе земји веќе поединечно донесоа такви одлуки, a мерката на ниво на ЕУ би можела да биде дел од новиот пакет санкции против Москва.
И Финска ќе се приклучи на голем број европски земји кои воведоа забрани за прелет и влез на руски авиони. Претходно тоа го сторија Бугарија, Чешка, Естонија, Германија и Полска, а тоа вчера го најави и Литванија.
Авионите во руска сопственост, вклучително и приватните летала, повеќе не можат да влезат во воздушниот простор на Белика Британија и на Ирска.
Русија возврати со идентични мерки.