Непознати лица фрлиле молотови коктели врз зградата на општината во Косовска Митровица, при што е направена мала материјална штета на зградата на општината.
Група Албанци во Ѓаковица пак се обиделе да нападнат Манастир на успение на пресвета Богородица, а осквернавени биле и православни гробишта во Клокот.
Инцидентот во Косовска Митровица се случил во неделата вечера околу 20.40 часот.
Претседателот на општината на Косовска Митровица, Крстимир Пантиќ за агенцијата Танјуг изјави дека инцидентот се случил во присуство на војниците на КФОР, кои се повлекле откако граѓаните почнале да се собираат.
Пантиќ прецизираше дека четири возила на КФОР, по инцидентите се повлекла во јужниот дел на Митровица, наведувајќи дека зградата од утрово ја обезбедуваат припадници на цивилната заштита.
Зградата на општината на Косовска Митровица, која се наоѓа во мултиетничката населба Три солитери, не е прв пат мета на напаѓачот.
Претходно на оваа зграда е пукано со огнено оружје, а била каменувана.
Во центарот на Ѓаковица, група Албанци протестираа поради отстранувањето на споменикот на припадниците на ОВПМБ во Прешево, а дел од нив се обидел да го нападне Манастирот успение на пресвета Богородица.
Како што изјавил Ѓокица Станоевиќ, претседател на општината Ѓаковица за Танјуг, Албанците се собрале во недела околу 20 часот, а нападот на манастирот го спречила полицијата и меѓународните сили за безбедност.
Според Станоевиќ, дел од насобраните Албанци тргнаа кон манастирот во кој се наоѓаат четири монахињи, но во обидот за напад ги спречиле силите на косовската полиција и припадниците на КФОР, пренесува Макфакс.
„Манастирот сега го обезбедуваат силите за безбедност на косовската полиција и КФОР и надвор и внатре“ вели Станоевиќ.
На српските православни гробишта во селото Клокот, кај Косовската Витина срушени биле 27 надгробни споменици, јави косовското радио.