Иницијативата за реформи во ВМРО ДПМНЕ смета дека со вчерашниот говор на Конвенција на партијата, за претставување на кандидатите за локалните избори, Никола Груевски презентирал „некоја негова визија за како треба да се движи партијата“, која всушност како то тврдат е се нивните јавно презентирани заложби, а особено Декларацијата Европско ВМРО-ДПМНЕ за Европска Република Македонија.
Со тоа како што велат, Груевски „ја препозна јасната визија на Реформаторите“, но ако што велат во соопштението, „тој нема кредибилитет ниту во партијата, ниту во јавноста да ги реализира овие реформи“.
-Нова визија во партијата и во Република Македонија ќе има, ама без Никола Груевски. Крадењето на една напредна визија за иднината на паријата и државата, само по себе покажува дека Никола Груевски повеќе нема капацитет за лидерство, кое е потребно во овие моменти. Реформите во партијата ќе произлезат од волјата на членството и ќе бидат континуитет на идеалите на историското ВМРО на кое ВМРО-ДПМНЕ е наследник. Новата сила на ВМРО-ДПМНЕ доаѓа, а во неа нема место за луѓе без идеи и капацитет, се вели во соопптението на Иницијативата за реформи на ВМРО ДПМНЕ.