Рег ен Боун (Rag`n`Bone) кој е еден од најактуелните музички автори во моментов доаѓа во Скопје на голем концерт во арената „Борис Трајковски“, на 11ти мај следната година, соопшти Авалон.
Добитникот на BRIT и Echo наградите, идната година во рамките на Grand Reserve турнејата, која опфаќа 20 земји од Европа, го потврди својот настап и Скопје.
Рег ен Боун неодамна го издаде својот прв албум со наслов „Human“, кој уште во првата недела се продаде во преку 117.000 примероци и така стана најбрзо продаван деби албум од музички изведувач на деценијата.
Неговиот хит „Human“ кој излезе во јули минатата година, буквално ја размрда музичката сцена и се искачи на врвот на светските топ листи дури во 33 земји, а во моментов има 367 милиони прегледи на YouTube.
Покрај тоа што Rage`n`Bone Man годинава се закити со две BRIT награди, неговите турнеи во Европа и Британија се постојано распродадени.
Инаку, концертите на ТОТО, Rage`n`Bone Man, како и уште многу други ексклузивни концертни настани предвидени за идната година, започнува прославата на јубилејот 25 години од постоењето на Авалон Продукција.