Регионален форум „Борбата против корупција: Западен Балкан во фокус“.
„Кога граѓаните чувствуваат дека не можат да успеат во нивниот систем заради корумпирани административци или коруптивни пркатики, тоа ја нагризува суштината на општеството“, истакна Кејт Мери Брнз, амбасадор на САД во РС Македонија на денешниот регионален форум „Борбата против корупција: Западен Балкан во фокусот“. Наведе дека корупцијата ја нагризува вербата во институциите, сите основи на демократијата, а антидемократските сили ја користат корупцијата за да ја поткопаат деморкатијата во слободните нации.
Амбасадорката Брнз го истакна напредокот во Северна Македонија и во другите земји во регионот, посочувајќи дека нашата земја имаше напредок од 24 места на листата за перцепција за корупцијата.
„Би сакале да го задржиме овој момент на движење, но сепак ни претстои уште многу работа“, рече Брнз.
Додаде дека корупцијата има различни форми не се само парите во плико и не се случува само на највисоко нивоа на Владата.
„Научивме дека граѓаните некогаш не можат да добијат на пример извод од матична книга на родени без да потплатат. И ова е корупција, и тоа е погрешно и штетно. Тоа е корупција што го забавува напредокот. Борбата против корупцијата е едно од основните човекови права, а од оваа година и судството ќе биде вклучено. Во Северна Македонија на пример има голем притисок врз судиите, и сето ова може да биде индикатор за корупција и во најдобар случај може да го направи судскиот систем подложен на корупција. САД инвестирале многу во судскиот систем во Северна Македонија за да ги затвори овие ранливи точки и сакаме да видиме дека нашите инвестиции се исплатливи со судски систем што е правичен за сите“, порача Брнз.
Според неа, Владите можат да придонесат во борбата против корупцијата и наведе дека вицепремиерката Славица Грковска работи активно на промовирање на добрите практики, но, потенцира, овие практики бараат политичка волја.
Билјана Ивановска, претседател на Државната комисија за спречување на корупција, истакна дека фокусот се базира на анализата на ризиците од корупција.
„Таа анализа покажува дека кај нас сè уште постојат крупни ризици од корупција, а тоа е пред сè, политичкото влијание, на прво место, кое што се манифестира во повеќе делови од општествениот живот, како и неказнивоста, што, исто така, е страшен ризик од корупција, недоволната транспарентност како и интегритетот“, рече Ивановска.
Во фокусот на регионалниот форум „Борбата против корупција: Западен Балкан во фокус“ беа тековните и неопходни антикорупциски реформи, а се дискутираше за начините за подобрување на соработката меѓу меѓународните, владините и граѓанските актери.
Форумот е во организација на Институт за демократија „Социетас цивилис“ – Скопје (ИДСЦС), Македонски центар за меѓународна соработка (МЦМС) и Лидерството за развој и интегритет во Југоисточна Европа (SELDI).