Реакција на регионалната мрежа SafeJournlists по објавите на социјалните мрежи на Драган Павловиќ Латас и Ивона Талевска во кои се шират неосновани обиненија и се споделуваат приватни фотографии на новинарки и новински агеници:
SafeJournalists мрежата остро ја осудува оркестрираната кампања за дискредитација на социјалните медиуми насочена кон новинари и медиуми во Северна Македонија. Оваа кампања, предводена од поранешниот уредник на национална телевизија Драган Павловиќ Латас, има за цел да го дискредитира независното новинарство и да ја поткопа слободата на медиумите.
Особено сме загрижени поради користењето на социјалните медиуми од страна на Латас за ширење неосновани обвинувања и споделување приватни фотографии на почитувани новинари и медиумски организации, вклучувајќи ги Истражувачката репортерска лабораторија (ИРЛ), 360 степени и БИРН Македонија. Ваквите постапки не само што им штетат на индивидуалните новинари, туку претставуваат и поширока закана за слободата на печатот.
Голема загриженост предизвикува бранот на сексистички и мизогини коментари насочени кон новинарките во коментарите под овие објави. Ваквата реторика поттикната од омраза поттикнува непријателство, охрабрува онлајн вознемирување и ја загрозува личната безбедност на медиумските професионалци, особено жените во новинарството.
Нагласуваме дека заканите, вознемирувањето и поттикнувањето насилство врз новинарите се сериозни кривични дела според Кривичниот законик во Северна Македонија. Властите мора да покренат темелна истрага за овие инциденти и да преземат итни мерки за заштита на новинарите од понатамошни напади.
Тамара Филиповиќ, генерален секретар на Независното здружение на новинари на Србија, изјави: „Остро ги осудуваме тековните напади врз новинарите и медиумските организации во Северна Македонија. Властите мора решително да дејствуваат со истражување на овие закани и да обезбедат дека одговорните ќе бидат законски одговорни.”
SafeJournalists мрежата ги повикува јавните институции и функционерите во Северна Македонија остро да ги осудат овие обиди за заплашување и дискредитирање на независните медиуми. Потребна е итна реакција за да се гарантира безбедноста на засегнатите новинари и да се создаде побезбедна средина за медиумските професионалци.
Остануваме посветени на внимателно следење на ситуацијата и стоиме во солидарност со нашите колеги во Северна Македонија во нивната борба за одбрана на слободата на печатот и професионалниот интегритет.
Мрежата SafeJournalists ќе ги информира и националните и меѓународните засегнати страни за овие вознемирувачки случувања.
Секој напад врз новинарите е напад врз демократијата, јавниот интерес и основните човекови права.