Стефан Петерхансел и Сем Сандерленд се пред промоција во победници кај автомобилистите и мотоциклистите на годинашниот „Дакар“, најатрактивната, најтешката и најпопуларна комбинирана рели трка во светот.
Себастијан Леб триумфира во претпоследната етапа (Сан Хуан – Рио Кварто во должина од 784 километри), но сонародникот Петерхансел заостана само 18 секунди на целта, се задржа на лидерската позиција во генералниот пласман и на прагот е на 13 победа на „Рели Дакар“. Тој има по шест титули во конкуренција на автомобилисти и мотициклисти на трката во која учествува без пауза цели 29 години.
Последната етапа се очекува да биде формална и за Сандерленд кој по 11. етапа има 33 минути подобро севкупно време од Австриецот Матијас Вокнер, односно, 37 минути во однос на Французинот Адриен ван Беверен.
Утре се вози завршната, 12. етапа, на „Рели Дакар 2017“. Почетната станица на карванот е во Рио Кварто, крајната дестинација е Буенос Аирес. Рутата е долга 786 километри и четвртата е низ Аргентина оваа година.
Вкупната должина на годинашното рели изнесува преку 9.000 километри. Натпреварувачите минаа низ тешки и опасни предели, возеа во екстремни временски услови со температури и до 50. степен целзиусов пришто имаа само еден слободен ден – во Ла Паз, Боливија, на 8 јануари.