Политичките претставници на ЕУ се „инертни пред систематската репресија врз новинарството во Србија“ што е под закана од политички и судски притисоци и „ЕУ повеќе не може да замижува“. Тоа денеска го соопштија од Репортери без граници (РСФ), пренесоа српските медиуми.
„Властите на Србија се нишаат под притисокот на националниот протест и го стегаат ременот околу независните и критички медиуми“, пишува денеска на веб-страницата на РСФ.
РСФ го повика Европскиот парламент да се погрижи Европската комисија да ја преземе одговорноста за тие сериозни напади врз слободата на медиумите, „чие почитување е предуслов за пристапот на Србија во Европската унија“.
„Власти цело време ја доведуваат во прашање безбедноста и независноста на медиумите во Србија, што се блиски до гушења. Земјите-членки и институциите на Европската унија не можат да стојат настрана пред ова систематско кршење на правото на информирање“, смета РСФ и повикува на „силно противење на европските институции“.
РСФ смета дека претседателката на Европската комисија, Урсула фон дер Лајен, по средбата со претседателот на Србија, Александар Вучиќ, дала „благо“ предупредување за потребата од преземање „мерки“ за слободата на медиумите, а комесарката за проширување Марта Кос била „задоволна што само ги спомнува независните медиуми без да укаже на сериозната закана за медиумите во Србија“.
Наведуваат од РСФ за 14 напади на новинари од 1 ноеври лани.
РСФ укажува дека од почетокот на демонстрациите студентите во таблоидите се обвинети дека се „странски агенти“ платени од опозицијата и дека „подготвуваат државен удар“. „Тие се и цел на кампања на дезинформации“
Според класификацијата на РСФ за слобода на медиумите за 2024 година, Србија беше рангирана на 98 место меѓу 180 земји и територии.