Репортери без граници денеска објавија 22 имиња на номинирани за овогодишната награда за слобода на печатот, меѓу кои ќе бидат избрани тројца добитници – еден новинар, еден медиум и еден граѓанин новинар, на кои наградите ќе им бидат врачени на 8 ноември во Стразбур.
Ова е 25 година по ред како РСФ ја доделува оваа награда, а овогодишната ќе се додели во партнерство со францускиот канал ТВ 5 Монд.
Лауреатите ќе добијат по 2500 евра. Многумина меѓу номинираните кои се од 19 земји се изложени на прогон или се во затвор поради тоа штшо одбиле да се цензурираат, додека другите се подложени на закани и физичко насилство на оние кои се осмеиле да ги критикуваат, се истакнува во соопштението.
-Автоританите режими прилично жестоко се пресметуваа со новинарите и блогерите во 2016 година, изјави генералниот секретар на РСФ Кристоф Делоар.
Меѓу деветмината кандидати новинари кои го презеле ризикот се новинари од Сирија, Авганистан, Колумбија, Јужен Судан, Франција, Египет и Малдиви.