Организацијата „Репортери без граници“ изрази загриженост поради големиот број случаи на цензура на интернет и онлајн контролата над новинарите, повикувајќи на воспоставување на обврзувачки меѓународни регулативни механизми против тоа.
-Контролата на интернетот претставува сериозно кршење на слободата на медиумите, се вели во соопштението.
Оваа невладина органзиција со седиште во Париз во извештајот објавен по повод Денот на борбата против цензурата на интернет, ја осуди подготвеноста со која водечките интернет компании заради профит несовесно се потчинуваат на барањата на авторитарните влади.
-Таквиот бизнис, со кој се занимаваат компаниите со искуство во сајбер надзорот е профитабилен, но и сомнителен. Репортери без граници ја осудуваат секоја „“дупка“ во законот која им овозможува на тие компании своите производи да им ги продаваат на режимите чија цел е онлајн контрола и цензура – само за да го зголемат своето учество на пазарот, се вели во соопштението.
Репортери без граници изразуваат загриженост и поради зачестеното блокирање на пораките објавени на Фејсбук и Твитер, посебно поради активната соработка на Фејсбук со поедини влади, бришење на новинарски содржини и нејзната политика која таа компанија ја спроведува.
По повод Светскиот ден на борба против цензурата на интернет, Репортери без граници исто така сооптија дека ја започнала операцијата „Колатерална слобода 3“ со цел информациите на интернет да се направат достапни во земјите во кои се цензурирани и „Непријателите на интернетот“ да се одвратат од блокирање на новинарските сајтови.
– Откако одблокира пристап за 11 сајтови во 2015 година и уште 6 во 2016 година, оваа операција воспостави алтернативен пристап за уште пет новинарски сајтови кои беа блокирани во зејмите и сега се отворени, се вели во соопштението.
На тој начин „Непријателите на интернетот“ на тој начин не можат да го блокираат пристапот на „огледалата“, а притоа не не си нанесат штета на сопствениот пристап на тие интернет гиганти, па оттаму и името РСФ – “Колатерална слобода“.




