Во блиц формат НОВА ги претставува кандидатите за претседател на Република Северна Македонија на изборите 2024.
На листата пријавени и утврдени кандидатки и кандидати во Државната изборна комисија, а според редоследот со жрепка извлечен во ДИК, во седум последователни дневни продолжувања НОВА ги презентира:
- Стево Пендаровски;
- Гордана Силјановска Давкова;
- Стевчо Јакимовски;
- Бујар Османи;
- Билјана Ванковска Цветковска;
- Арбен Таравари;
- Максим Димитриевски.
Република Северна Македонија – Претседателски избори 2024
1. Стево Пендаровски:
Универзитетски професор, промоторо за НАТО и ЕУ, борец за владеење на правото, политичка философија во духот стилот „се` во име на граѓаните“, љубител на уметноста, хуманист …
Актуелниот претседател на државата, Стево Пендаровски, повторно влегува во трката за шеф на државата како независен кандидат подржан од на СДСМ и коалицијата.
Пендаровски е петтиот шеф на државата. На првиот мандат беше …. избран во 2019-та година.
Во неговото досегашно претседателување нагласено покажува дека ги споделува западните вредности, се залагаше са НАТО, за европскиот пат на земјата, ги застапува интересите на сите граѓани и има нагласена визија за демократија и за еднакво владеење на правото.
Во неколку наврати неговите ставови и одлуки не беа идентични со оние на партијата што го кандидираше и со што остави впечаток на политичар независен и со интегритет.
Почитувач е на граѓанскиот концепт, на културните разноликости, на плуралните вредности.
За време на својот прв претседателски мандат со државни одличја одликуваше повеќемина македонски уметници.
ОБРАЗОВАНИЕ
Стево Пендаровски е роден на 3. април 1963 година во Скопје. Дипломирал во 1987 година на Факултетот за правни и политички науки, при Универзитетот „Св. Кирил и Методиј“ – Скопје, а магистрирал и докторирал на Институтот за социолошки и политички правни истражувања при Универзитетот „Св. Кирил и Методиј“ – Скопје.
ПРОФЕСИОНАЛЕН РАЗВОЈ
Бил професор на Универзитетот „Американ колеџ“ – Скопје, каде што ги предавал предметите Меѓународна безбедност, Меѓународни односи, Вовед во политика, Глобализација, Геополитика, Надворешната политика на САД, Надворешната и безбедносна политика на ЕУ и Малите држави во светската политика.
Во периодот 1998-2001 година бил началник на Управата за аналитика и истражување во Министерството за внатрешни работи и портпарол на Министерството.
Од 2001 до 2004 година е советник за национална безбедност на претседателот на Република Македонија. Од 2004 до 2005 година е претседател на Државната изборна комисија. Од 2005 до 2009 година е советник за надворешна политика на претседателот на Република Македонија. Од 2016 до 2017 година е пратеник во Собранието на Република Македонија. Од ноември 2017 година Пендаровски е назначен за национален координатор за НАТО.
Пендаровски беше кандидат за претседател на државата на претседателските избори во 2014 година, а минатите претседателски избори беше избран за кандидат за претседател од страна на СДСМ и Коалицијата и победи и во двата изборни круга пред своите противкандидати Гордана Силјановска-Давкова и Блерим Река.
Пендаровски во вториот круг од претседателските избори освои 436.212 гласа, или 51,66 отсто од гласовите на граѓаните кои излегоа на гласање.
Пендаровски е сопруг и татко на едно дете. Сопругата Елизабета често беше вклучена во најразлични општествени активности како промотор на хуманиот активизам.