Во блиц формат НОВА ги претставува кандидатите за претседател на Република Северна Македонија на изборите 2024.
На листата пријавени и утврдени кандидатки и кандидати во Државната изборна комисија, а според редоследот со жрепка извлечен во ДИК, во седум последователни дневни продолжувања НОВА ги презентира:
- Стево Пендаровски;
- Гордана Силјановска Давкова;
- Стевчо Јакимовски;
- Бујар Османи;
- Билјана Ванковска Цветковска;
- Арбен Таравари;
- Максим Димитриевски.
Република Северна Македонија – Претседателски избори 2024
2. Гордана Силјановска Давкова:
Нејзин втор обид последователен обид зашеф на државата. На годинешниве избори е една од двете жени кандидатки на претстојните избори.
Гордана Силјановска Давкова, е актуелна непартиска пратеничка но е член на пратеничката група на ВМРО-ДПМНЕ и, како и на претходните претседателски избори пред пет години кога не успеа да го добие мандатот и на годинешниве е подржана од партијата ВМРО-ДПМНЕ.
Таа е универзитетски наставник, професорка е на правниот факултет при УКИМК, експерт е за локална самоуправа, уставно и меѓународно право. Поранешна министерка во една од коалициските влади на СДСМ. Не секогаш прецизна во своите политички ставови. Се
залага за НАТО и ЕУ но е против договорите со Грција и со Бугарија кои го овозможуваат членството и не артикулирала јасен став и проекција за тоа во кој правец и со која интеграциска динамика треба да се движи државата.
Преспанскиот договор што на земјава и обезбеди членство во Алијансата за неа декларативно е неприфатлив но се кандидира за претседателка на државата уставно именувана со Република Северна Македонија.
ОБРАЗОВАНИЕ
Силјановска-Давкова е родена на 11 мај 1953 во Охрид. Основно и средно образование завршила во Скопје (1973). Дипломирала на Правниот факултет во Скопје (1978), каде што и магистрирала. Докторирала пред комисија предводена од проф. Франц Град со „Cum laude“ на Правниот факултет во Љубљана, на тема „Local Selfgovernment – between Norms and Reality“ во 1994.
ПРОФЕСИОНАЛЕН РАЗВОЈ
Силјановска беше и министер без ресор од 1992 до 1994 година во првата влада која како премиер ја предводеше Бранко Црвенковски. Година претходно била и член на Уставната комисија на Собранието на Република Македонија.
Основач е на првиот Совет на европско движење во Македонија. Во периодот од 2012 до 2016 беше член на Веницијанската комисија за малцински прашања. Денес е редовен професор на правниот факултет во Скопје, во Институтот за правни и политички науки. Автор е на над двесте научни трудови од повеќе правни области и е член на повеќе домашни и меѓународни институти и правни асоцијации.
Гордана Силјановска Давкова е сопруга и мајка на две деца.