Во блиц формат НОВА ги претставува кандидатите за претседател на Република Северна Македонија на изборите 2024.
На листата пријавени и утврдени кандидатки и кандидати во Државната изборна комисија, а според редоследот со жрепка извлечен во ДИК, во седум последователни дневни продолжувања НОВА ги презентира:
- Стево Пендаровски;
- Гордана Силјановска Давкова;
- Стевчо Јакимовски;
- Бујар Османи;
- Билјана Ванковска Цветковска;
- Арбен Таравари;
- Максим Димитриевски.
Република Северна Македонија – Претседателски избори 2024
6.Максим Димитриевски
Максим Димитриевски: Флуиден меѓу демократската и етно национална реторика.
Поранешниот активен и агилен член на СДСМ, Максим Димитриевски, по политичкото разидување со својата матична партија формира прво движење и потоа и своја партија во чие име е кандидат и за годинешниве претседателски избори на „Движење ЗНАМ“ или „За наша Македонија“.
Димитриевски е актуелен градоначалник на општина Куманово. Негува остра реторика во однос на поставеноста на Брисел кон барањата за внесување на Бугарите во уставот, „игра“ со национална реторика и смета дека „ЕУ треба да се преиспита и да се превоспита“.
Од друга страна пак, ветува европска Македонија во која ќе владее правото, но со црвени линии кон ЕУ. Неговата цел е да се позиционира како центар меѓу двете најголеми политички партии ВМРО-ДПМНЕ и СДСМ. Неодамна Димитриевски кривично обвинение за злопупотреба на службена положба и овластувања што тој го коментираше и обвини за политички прогон од страна на власта со цедл предизборно да биде дискредитиран.
ОБРАЗОВАНИЕ
Максим Димитриевски е роден на 29 ноември 1975 во Куманово. Основно и средно образование завршува во родниот град, а дипломира на правниот факултет во Скопје. Во 2011 година изработува публикуван труд: „Вкупни даночни приходи и расходи во ЕЛС со осврт на Општина Куаманово“.
Магистрант на тема „Ниско ниво на децентрализација – причина за несоодветен развој на единиците на локална самоуправа во Република Македонија“.
ПРОФЕСИОНАЛЕН РАЗВОЈ
Политичката кариера ја започнува како млад активист на Социјал демокртаски Сојуз на Македонија. Во 2008-ма година станува дел од Советот на Општина Куманово, а подоцна и претседател во периодот 2012 до 2016 година.
Политичката кариера ја продолжува како пратеник во македонското собрание и таму е и претседател на комисија за одбрана и безбедност.
На локалните избори во октомври 2017-та година станува градоначалник на Општина Куманово, а во 2021-та на локалните избори настапува како независен кандидат и повторно го добива градоначалничката функција.
Максим Димитриевски е сопруг и е татко на три деца.