Доналд Трамп и официјално од вчера е 45 претседател на САД, бидејќи според најновите податоци, добил гласови на над 270 членови на Електорскиот колегиум, пренесуваат агенциите.
Државата која беше клучна за Трамп да добие над 270 електорски гласови е Тексас, во која двајца електори гласале против Трамп, но на крајот тој имал повеќе гласови од потребното.
Истовремено, најмалку петмина демократски електори кои требало да се определат за кандидатката на оваа партија Хилари Клинотн гласале за некој друг, што воедно е најголе број на тнр. „неверни електори“ во овој век, истакнуваат агенциите.
Четворицата електори од Вашингтон и едниот од Мејн се наречени „демократски дисиденти“.
Ниту еден од републиканските лектори не гласал за друг кандидат, освен за Трамп. Вкупно гласаа 538 електори од сите сојузни држави.
На изборите на 8 ноември кандидатката на демократите Хилари Клинтон освои повеќе гласови од противкандидатот сега избран претседател Доналд Трамп за два проценти, но одлучувачки беше што Трамп победи во повеќе држави и на тој начин освои 306 електорски гласови, наспроти 232 за Клинтон.
Инаугурацијата на Трамп за претседател на САД ќе биде на 20 јануари следната година.




