Published: Monday, May 13, 2013 10:04
Писателот Ристо Лазаров ја објави стихозбирката „Јана-Јана“, три децении по објавувањето на популарната „Јана“ за која во 1980 година тој ја доби 13-ноемвриската награда на Скопје.
Македонскиот поетски класик Анте Поповски тогаш напиша дека „Јана е биографија на еден прекрасен поетски сон, редослед на една поетска радост и тага, љубовна поема напишана навидум анархично, дрско“. „Јана“ тогаш беа дваесет самостојни наслови или поточно дваесет пеења на една љубовна поема, дваесет детали на една слатка поетска игра.
Оваа „Јана-Јана“ на Лазаров е сочинета од 35 пеења. Книгата е посветена на внуката на авторот. Издавач на книгата е „Везилка 2011“ од Скопје