Според поранешните премиери на Велика Британија, сер Џон Мејџор и Тони Блер, гласањето ЗА “Брексит“, е закана за обединетоста на Кралството.
Како што велат двајцата, доколку се изгласа излез од ЕУ, повторно би можело да се отвори прашањето за независност на Шкотска а би се загрозила и иднината на Северна Ирска.
Двајцата премиери, кои управуваа еден по друг, беа клучни за мировниот процес во 90-тите со Северна Ирска.
Што добива а што губи Велика Британија доколку излезе од Европската унија?
Поранешните премиери на Велика Британија (Мејџор од 1990 до 1997, Блер од 1997 до 2007) во заедничка изјава потенцираа дека “на гласачкото ливче за две недели ќе се најде самото единство на Велика Британија“.
– Така ќе се занемарат сите парчиња од уставниот поредок, и никој нема да биде сигурен како тоа ќе заврши, порача Мејџор, додавајќи дека Ирска ќе биде од другата страна на преговарачката маса по преговорите ако се случи Брексит.
Според Блер пак, Северна Ирска и политичкиот естаблишмент таму, ќе бидат негативно погодени доколку се гласа за излез од ЕУ.
– Иако денес Северна Ирска е постабилна од било кога и да е, таа стабилност е градена на темелно разработени основи, порача Блер, кој вели токму поради вложениот труд, тие се загрижени во однос на Брексит.