По добар доказ, за отстапување од европскиот пат на македонската влада, покрај анахроната, стерилна и декадентна надворешна политика, едноставно не постои.
Тито Петковски
Најавата на премиерот за “робусна акција” во пресметката сои обвинителството, очекувано наиде на голема подршка кај ботовите на владеачката партија и самонаречени интелектуалци. Робусната акција ја подразбирам, онака како што ја дефинира самиот Мицковски,”ќе ги влечат за уши” и ќе ги исфрлаат од судовите и обвинителствата. Од таква, по робусна акција не постои.
По добар доказ, за отстапување од европскиот пат на македонската влада, покрај анахроната, стерилна и декадентна надворешна политика, едноставно не постои.
Искрено, би сакал да верувам дека оваа закана е само предизборен трик, со кој би требало да се мотивира заспаното и демотивирано бирачко тело. Во спротивно, Македонија ќе има сериозни проблеми во зачувувањето на својата државност. По целосната партизација на сите самостојни и независни тела и институции, од Народната банка, преку безбедносните служби и агенции, па се до надзорните и контролни тела во сите сфери на животот, остануваат уште судството и обвинителството да бидат ставени под капата на една партија. На тој начин во државата ќе биде инсталиранцелосен автократски систем. Ќе се согласите дека, сето тоа не е во согласност со нашиот Устав, кој проектира изградба на социјална држава во услови на поделба на законодавна, извршната и судската власт. Од друга страна, Македонија конечно ќе ги напушти Копенхагшките критериуми како услов за влез во ЕУ.
Не е доволно да се каже дека одговорноста е на власта, бидејќи власта покажа дека е неодговорна.Неопходна е акција од сите политички субјекти во државата!
Од Фејсбук ѕидот на авторот