Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Роднините и сопругите во неизвесност – никој не знае каде се борците од Азовстал

0
By Sashko on May 31, 2022 СВЕТ
фото: архива од евакуација од Азовстал
СПОДЕЛИ
Facebook Twitter LinkedIn Email
Published: Tuesday, May 31, 2022 20:03

Стотици украински борци пред две недели го положија оружјето и ја завршија одбраната на челичарницата Азовстал во Мариупол. Околу 2.400 војници се предадоа на руските трупи кои сега го контролираат пристаништниот град на југот на Украина. Нивните семејства велат дека сè уште не слушнале информации за најблиските и дека не знаат каде тие се наоѓаат.

„Не сум контактирала со мојот сопруг, ниту сум добила било какви информации во последно време“, вели Ана Ивлева, сопруга на Антон, маринец кој беше тешко ранет за време на руските напади на челичарницата Азовстал. Таа додаде дека минале повеќе од месец дена од последниот разговор со него.

„Последен пат разговаравме на 13 април. Неговите браќа по оружје тогаш ми пратија порака дека сè уште е жив“, рече Ивлева.

Иако официјални лица на украинската влада биле во контакт со борците, Ана истакнува дека нема информации каде се наоѓаат војниците од Азовстал и во какви услови престојуваат, пишува „Си-Ен-Ен“.

Таа се надева дека нејзиниот сопруг е жив, дури и ако е во заробеништво.

Руската државна пропаганда за поедини борци од Азовстал вели дека се „нацисти“, па нивните семејства се загрижени за начинот на кои се третирани во заробеништво.

Друга жена по име Јана, чие момче маринец беше во Азовстал, говореше за „Си-Ен-Ен“ под услов на анонимност, истакнувајќи дека е загрижена за безбедноста.

„Ништо не сум слушнала за него. Последниот наш контакт беше на 11 мај“, изјави таа.

Украинската влада не дава никакви информации за тоа каде би можело да биде нејзиното момче.

„Мајката на моето момче беше контактирана од Меѓународниот комитет на Црвениот крст. Не можам да се сетам кога беше тоа. Само ѝ рекоа дека е жив и тоа е тоа“, наведува Јана.

Друга сопруга на борец од Азовстал, Тетјана рече дека нејзиниот сопруг успеал да ѝ се јави од непознат број по предавањето. Вели дека некои од неговите другари биле задржани во град во областа Доњецк што е под контрола на сепаратистите. „Си-Ен-Ен“ се согласи да не го наведува нејзиното име од безбедносни причини.

„Неговиот глас беше мирен и самоуверен. Рече дека условите во кои престојуваат се добри и дека во наредниот период би можело да им биде дозволено да примаат некакви пакети“, истакнаа таа.

Тетјана рече дека со нејзиниот сопруг разговарала десетина минути и притоа ѝ рекол оти ќе се обиде повторно да ѝ се јави. Меѓутоа, од тогаш не го слушнала.

„Тоа е тоа. Од тогаш нема ниту повик, ниту порака“, вели таа.

Роднините и сопругите на борците од Азовстал во меѓувреме формирале и Совет на мајки и сопруги, со цел да бидат сигурни дека кон нивните најмили се постапува во согласност со Женевската конвенција за воени заробеници.

„Од нас е побарано да молчиме за да не ја влошиме ситуацијата“, изјави Тетјана Хорко, сестра на командантот на маринците, Серхиј Хорко на прес-конференција.

„Не треба да се мисли дека приказната за хероите од Азовстал е завршена. Потребна им е поддршка, треба да ги вратиме дома“, додаде Хорко.

Сандра Кротевич, сестра на првиот заменик командант на баталјонот Азов, Бохдан Кротевич, за „Ројтерс“ изјави дека роднините не знаат што се случува со заробените војници.

„Каде се, што се случува со нив, во каква состојба се, не знаеме. Очекуваме дека Русија ќе се однесува кон нив со согласност со Женевската конвенција и во согласност со меѓународното право, како што Украина се однесува кон руските заробеници“, вели таа.

Наталија Зарицка, сопруга на војник од баталјонот Азов, рече дека била контактирана од Меѓународниот комитет на Црвениот крст.

„Бев известена дека е регистриран како ја напушта челичарницата, но не добив одговор на ниту едно друго мое прашање – дали сè уште е жив, во каква состојба е, каде се одведени“, истакна Зарицка.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.