Романските власти отворија истрага против тројца новинари на британската телевизија Скај поради наводно ширење лажни информации во контроверзната емисија за илегална трговија со оружје во земјата.
Обвинителството ги товари новинарите дека платиле тројца Романци да глумат трговци со оружје кои им продаваат на исламски терористите, што Скај веднаш го демантираше.
Портпаролот за истрага на организиран криминал Михаела Пориме изјави дека британските власти треба да ги испитаат новинарите кои ќе се соочат со низа прашања од страна на романското обвинителство во рамки на истрагата.
Скај њуз минатата недела соопшти дека во целост стои зад репортажата која е емитувана на 7 август.
Истрагата се фокусира на криминална мрежа на трговци со оружје на Балканот во Источна Европа.
Во емисијата се прикажани двајца Романци со скриен идентитет како на новинарите им покажуваат оружје, тврдејќи дека можат да набават илјадници парчиња калашњиков од Украина.
Романското обвинителство покрена истрага по емитувањето на емисијата и уапси тројца Романци осомничени за трговија со оружје.
Еден од нив меѓутоа рекол дека британските новинари му дали транскрит на она што треба да кажат како и пари за да учествува во емисијата.