Поранешниот италијански премиер Романо Проди не беше избран за италијански премиер откако неговото номинирање од страна на левиот блок го разбесни исто така поранешниот премиер Силвио Берлускони, па според италијанските медиуми се зголемуваат шансите за распишување на предвремени избори.
Десниот блок што го предводи лидерот на Народ на слободата (PdL), Силвио Берлускони го бојкотираше гласањето за изборот на Романо Проди, кој протестираше надвор од парламентот обвинувајќи го лидерот на Демократската партија (PD) која го води левиот блок, Пјерлуиџи Берсани дека го прекршил ветувањето дека ќе номинира кандидат кого може да го прифати и десниот центар.
Изборот на Романо Проди за претседателски кандидат претставува вистинска пресвртница за лидерот на левите сили Пјерлуиџи Берсани, чиј обид на левиот блок да му го наметне 80-годишиот поранешен претседател на Сенатот, Франко Марини, околу кој се договори со десничарскиот лидер Силвио Берлускони, пропадна.
Ова беше четврто гласање за претседател во сложениот изборен процес во кој учествуваат 1.007 електори од двата дома на италијанскиот претседател и претставници на регионот. Петтото и шестото гласање треба да се одржи во сабота.
Претседателот на Италијанската Република се избира со гласовите на 1,007-те ткн „големи избирачи”, пратениците во долниот дом и сенаторите (пратениците во горниот дом од италијанскиот парламент – Сенатот), како и со гласовите 58 пратеници од регионите, За избор неопходно е двотретинско мнозинство или 672 гласови од 1.007-те електори во првите три круга, додека во четвртиот круг доволно е и просто мнозинство пренесува макфакс.
Левиот блок на Берсани го мнозинството и оттаму најголемиот број електори – 430, па следува десниот блок на Берлускони со 211 и Движењето 5 ѕвезди со 162 електора.
Функционери од левиот центар изјавија дека ќе опстојат на Проди како нивен кандидат, меѓутоа четирите неуспешни гласања упатуваат на политичко непријателство и неизвесност кои владеат повеќе од 50 дена од парламентарните избори кои се одржаа на 24-ти и 25-ти февруари кои не донесоа јасен победник.
Проди доби само 395 гласови, значително помалку од потребните 504, што покажува дека бунтовниците во левиот центар повторно не го почитаа налогот на партијата. Се чини дека околу сто парламентари од левиот центар одбиле да послушаат и да гласаат за Проди со што уште еднаш го поткопаа Берсани.
Десниот блок на Берлускони вели дека изборот на Проди веројатно би го спречило формирањето на владата и ќе ја одведен Италија на нови парламентарни избори, можеби уште кон крајот на јуни или почетокот на јули.