Русија го испраќа 22.конвој хуманитарна помош во Доњецк и Луганск

Два конвоја со руска хуманитарна помош тргнале од Русија во Украина во регионот Донбас, односно во самопрогласените републики Доњецк и Луганск, информираат службите од тој регион.

Конвоите ги поминале царинските процедури и ја поминале границата со Украина.

Се работи за 140 возила кои носат околу 1.600 тони помош која според информациите, се состои од јачмен, пченка, сончоглед и медицински лекови.

Ова е воедно 22.конвој кој Русија го испраќа во регионот Донбас. До сега од средината на август 2014 во Украина од Русија влегле околу 27.000 тони хуманитарна помош.