Еден од руските судови го отвори судењето против Сергеј Магнитски, руски адвокат кој почина во затвор во 2009 година по неговото обвинување за мултимилионска измама од страна на државните власти.
За време на притворот, пред повеќе од три години дојде до дипломатски спор помеѓу Русија и САД.
Постхумното судење во понеделникот беше првично закажано за во декември минатата година, но судијата го одложи рочиштето откако одбраната на неговото семејство одби да учествува, тврдејќи дека судење на мртов човек е нелегално.
Бидејќи ниеден адвокат од фамилијата на Магнитски не се појави, судијата наредил именување на бранител од Здружението на правници, за следното прелиминарно сослушување на 18 евруари.
,,Учеството во процесот е илегално и неморално”, изјави Николај Гороков во интервју за Ал Џезеира.
Семејството на Магнитски исто така одби учество во процесот нагласувајќи дека е политички мотивирано.
,,Мислам дека е нехумано да се суди починат човек”, изјави мајката на Магнитски за Ројтерс. ,,Ова не е судски процес, туку измама, и затоа не учествуваме.”
Магнитски почина на 37 годишна возраст после 358 денови во затвор, тврдејќи дека му бил одбиен третман за неговата влошена здраствена состојба. Советот за човекови права од Кремљ изјави сомневања дека рускиот адвокат бил претепан до смрт.
Руските власти, рекоа дека тој починал од срцев удар, но неговиот поранешен работодавач, изјави дека тој бил убиен бидејќи истражувал 230 милионска кражба од страна на полицијата и даночните власти.