Published: Monday, May 30, 2022 22:17
Холандската компанија „Гас Тера“ (GasTerra) нема да добива гас од руски „Гаспром“ од 31 мај, откако одби да плати во рубљи што е услов на Москва, објавија денеска двете компании.
„Гас Тера“, која купува и продава гас за холандската влада, објави дека договорила од друго место да набави две милијарди кубни метри гас, што требаше да ги добие од „Гаспром“ во октомври.
„Одлуката нема да има никакви последици на испораката на гас во холандските домаќинства“, објави холандскиот министер за енергетика, Роб Јетен на Твитер.
Во соопштението на „Гас Тера“ се наведува дека холандската компанија одлучила да не ги прифати руските услови, вклучително и отворање сметка за плаќање во евра, кои потоа ќе се заменат за рубљи.
„Гаспром“ најави дека прекинот на испораките на гас за „Гас Тера“ ќе продолжи се додека исплатата не се изврши на начин што го предлага Русија.