Руските трупи влегоа и го нападнаа североисточниот град Харков вклучувајки го и центарот на градот, напиша советникот на украинскиот министер за внатрешни работи Антон Херашченко.
Херашченко и Украинскиот државен сервис за специјални комуникации и заштита на информации на Телеграм објавија видео на кое се гледаат неколку руски воени возила на улиците на Харков и запален тенк, пренесува Ројтерс, додавајќи дека руските трупи го кренале во воздух тамошниот гасовод.
Video of that destroyed Russian Tigr-M vehicle in Kharkiv. https://t.co/2shuctUVlg pic.twitter.com/t1TrNJE9Fx
— Rob Lee (@RALee85) February 27, 2022
– Непријателот сака да уништи сѐ, изјави градоначалничката на Василкив, Наталија Баласинович.
Проруските сепаратисти во Луганск, пак, јавуваат дека украинска ракета погодила терминал за нафта во градот Ровенки.
Russian razvedchiki and Spetsnaz in Kharkiv. I don’t think they’ll be able to take the city just with light forces. https://t.co/WtCVj7IooY pic.twitter.com/ZwBi2B4XB7
— Rob Lee (@RALee85) February 27, 2022
Од руското министерство за одбрана информираат дека руските сили „целосно“ ги опколиле градовите Херсон и Бердјанск на југоисток на Украина.
Во еден од првите напади во текот на ноќта, како што се вели од украинска страна, со ракети бил погоден магацин за гориво во предградие југозападно од Киев. Поради борбите кои не престануваат пожарникарите не можат да го изгаснат огнот.
Украинскиот министер за одбрана Олексиј Ресников по повеќедневните тешки борби против руската армија, ги охрабрува своите трупи, диодавајќи дека Украина сега чека помош која пред три дена се чинела невозможна.