Москва денес ја обвини Украина за напад со поморски дронови на рускиот брод што превезува течен природен гас (LNG) во Средоземното Море, кој конечно потона денес, во зоната меѓу Малта и Либија, објавија новинските агенции.
Танкерот беше под санкции на САД и Велика Британија како дел од таканаречената „флота во сенка“ на Русија.
Според либиските власти, потонатиот брод се наоѓа на 130 наутички милји северно од Сирт.
Либиските пристанишни власти ги предупредуваат сите бродови во близина на местото на потонатиот брод на страв од судир, како и од истекување на течен природен гас, апелирајќи за најголема можна претпазливост поради ризикот од палење или загадување на морето.
Либиската управа за пристаништа и поморски транспорт објави во текот на ноќта дека бродот потонал по „ненадејни експлозии“ од непознато потекло.
Сигнал за помош од „Арктик метагаз“ бил примен синоќа, според соопштението. По експлозиите следел огромен пожар што предизвикал потонување на бродот.
30-те членови на екипажот се безбедни и неповредени, се вели во соопштението на руското Министерство за транспорт.
Бродот доаѓал од пристаништето Мурманск, а нападот бил извршен од либискиот брег со поморски дронови што ѝ припаѓаат на Украина, се вели во соопштението.