Руска диверзантско-разузнавачка група се наоѓа во областа Оболон во Киев, потврди украинското Министерство за одбрана, а Генералштабот на украинската армија се огласи со соопштение дека украинските сили пружаат силен отпор на „руските окупатори“ околу Киев.
Жителите на Киев се предупредени да не излегуваат од домовите, а преку Твитер Министерството ги замоли граѓаните:
„Направете молотови коктели, неутрализирајте го окупаторот!
Molotovs in Kyiv.
Waiting for Russian tanks. pic.twitter.com/PKHPv5k9Ub— Illia Ponomarenko (@IAPonomarenko) February 25, 2022
Од украинската воена команда порачуваат: „Денес на Украина и треба сè. Приклучете се сите. Понесете само пасош и матичен број. Нема ограничувања за возраста“.
За оние, пак, кои не се борат, повика на претпазливост и им порача: „Не напуштајте ја куќата!
Дописникот на Би-би-си јавува дека слуша „постојани експлозии“ во северниот дел на градот, во областа Оболон, додека на социјалните мрежи се објавуваат вести за пукање околу метро станицата Оболон.
Оболон се наоѓа на западниот брег на реката Дњепар, која минува низ Киев.
На едно од видеата објавено на социјалните мрежи се гледа како оклопно возило вози и гмечи патничко возило, на страната на автопатот со четири ленти.
„По ѓаволите, тие прегазија човечко суштество“, реагираше една жена.
На социјалните мрежи се објавува и за пукање околу метро станицата Оболон.
Украинската војска соопштува дека руските сили денеска заплениле две украински воени возила и дека група руски саботери и шпиони се движат кон Киев, маскирани како локални жители, за да се инфилтрираат.
Официјални лица од Украина и САД изјавуваат дека руските сили напаѓаат од јужниот регион на Крим, кој Русија го анектираше во 2014 година, а на север и од Белорусија.
Украинскиот министер за надворешни работи на Твитер објави дека градот преживеал „страотни“ руски напади во текот на ноќта.
Ukrainian military police in full combat gear running to defend the city as Russian troops close in on Kyiv. pic.twitter.com/UDe9YIhWTN
— Ian Pannell (@IanPannell) February 25, 2022