Бродот ноќеска беше погоден од два украински проектили во Црното Море, после што изби пожар.
Во соопштението на руското Министерство за одбрана се вели: „Пожарот на крстосувачот ‘Москва’ е ставен под контрола. Нема видлив пламен. Залихите со муниција повеќе не експлодираат“. Министерството појасни дека воениот крузер сеуште плови и дека главниот ракетен оклоп не е оштетен.
„Екипажот на крстосувачот беше евакуиран во бродовите на Црноморската флота во близина. Се преземаат мерки за влечење на крстосувачот во пристаништето. Во моментов се утврдуваат причините за пожарот“, се додава во соопштението. Министерството претходно соопшти дека бродот бил „сериозно оштетен како резултат на детонација на муниција што настанала како резултат на пожар“.
Сепак, јужната воена команда на Украина соопшти дека бродот „Москва“ почнал да тоне откако бил погоден од нивната ракета „Нептун“. Во објава на Фејсбук, јужната воена команда на Украина соопшти дека по нападот избил пожар. Исто така, се тврди дека руските спасувачки бродови биле попречени од експлозија на муниција на бродот, како и од лоши временски услови, што предизвикало бродот да почне да тоне.