Од врвот на Руската Федерација оддекна порака дека апсурни се обвинувањата за руско мешање во македонските избори . Ни помалку, ни повеќе , на официјална прес конференција портпаролката на министерот Лавров, изјави дека нејасни се сомнежите на сметка на Русија и ги обвини западните политичари дека прават директен притисок врз граѓаните на Македонија.
Марија Захарова портпарол на руско МНР – Тешко беше да не се забележат на широко распространетите видео пораки на високи западни политичари, вклучително и на шефови на влади и на министри, за време на предизборната кампања во Северна Македонија. Тие отворено и упорно ги повикуваа гласачите во Северна Македонија да гласаат за една или за друга партија. Наспроти заднината на ова странско мешање во работите на една суверена држава, апсолутно се неосновани и изгледаат сосема апсурдни шпекулациите за присуство на одредено руско влијание.
Сепак предвремените парламентарни избори поминаа во мирна амосфера, а ниту за хакерскиот напад на сајтот на ДИК не беше прозвана официјална Москва. За експерите оваа е зачудувачка реакција од високо официјално политичко лице на Русија.
Воено-безбедносниот аналитичар Стефаноски, за тв 24 вели дека странските пораки треба да се гледаат со повисока цел, а изборите во Македонија се само сплет на околности и аргумент за креирање на политичка криза.
Милан Стефаноски воено безбедносен аналитичар – Влегуваме во еден сензибилен период на Балканот. Значи очигледно е решевањето на статусот на Косово и преговорите со Србија. Она што е сплет на околности, имаме и информација дека лидер на политичка партија е повикан за сведок, говори за фактот дека ќе постојат тенденции да се мешаат странски сили во контекстот за решавање на спорот меѓу Србија и Косово и да ја искористат состојбата да се дестабилизира овој регион.
Според Стефаноски, Русија има најсериозен систем за сајбер војување, каде е потребно вложување на многу пари, а тоа што се покажува во последните 5 години е дека тие имаат капацитет за сајбер напади и креирање на лажни вести.
Сепак тој го издвојува и фактот дека е чудно што официјална Москва посочува информации од пред – изборниот период, каде во ниеден момент не беше таргетирана Руската Федерација дека има интенција да предизвика дезинформации во однос на Македонија.
Инаку, изминатите месеци изјавите на неколкумина западни политичари беа во поширок контекст за регионот, во случајот Русија, да не ја користи пандемијата која ги ослабна државите на Балканот.