По вчерашните закани на Северна Кореја дека следуваат нуклеарни напади кон Америка и Азија, државната новинска агенција КЦНА издаде уште едно соопштение, како што јавува Си-Ен-Ен: “Моментот на експлозија брзо се приближува. Никој не може да каже дека војната ќе започне надвор од Кореја или не, дека ќе започне денеска или утре. Одговорноста е на администрацијата на САД кои се закануваат на суверенитетот на С. Кореја.”
Претходно, Северна Кореја се закани со напади од страна на “помала, полесна и насочувана” нуклеарна сила и со заклучување на јужнокорејските работници од заедничкиот фабрички комплекс, јавува Си-Ен-Ен.
Во новиот вербален напад, државната новинска агенција КЦНА на С. Кореја објави дека “несовесната нуклеарна закана” поставена од страна на Соединетите Американски Држави “ќе биде уништена од силната волја на заедничкиот сервисен персонал и од помал, полесен и насочен нуклеарен напад на Северна Кореја. ”
Американскиот секретар за одбрана Чак Хeјгел изјави дека заканите на С.Кореја кон Гуам, хаваи и Америка треба да се земат сериозно: “Може да се згреши еднаш и јас не сакам да бидам секретар за одбрана кој еднаш згрешил”, изјави тој пред публиката во Универзитетот за национална одбрана во Вашингтон.