Северна Кореја ја крена температурата на нејзините соседи, предупредувајќи со нова закана дека нема да даде какви било претходно известување пред напаѓање на Јужна Кореја, јавува Си-Ен-Ен.
“Нашата одмазда ќе почне без известување од сега”, рече Пјонгјанг во изјавата објавена денеска од страна на официјалната новинска агенција, КЦНА.
Северна Кореја соопшти дека ова е одговор на она, како што ги нарече, навреди од “марионетската власт” во Јужна, тврдејќи дека имало митинг против Северна Кореја во Сеул.
Митингот го нарече “монструозно кривично дело.”
Обновените закани дојдоа еден ден откако Северна Кореја го прослави роденденот на основачот на нивната земја, Ким Ил Сунг, кој ја започна Корејската војна.
Вчера, американскиот државен секретар Џон Кери го повика режимот во Пјонгјанг да стави крај на неговата нуклеарна програма и на својата огнена реторика ако сака да одржи разговори.