Кевин Мартин, осуден на 35 години затвор, во понеделникот бил прогласен за невин откако поминал 26 години во затвор во САД.
Во 1982 година тестовите на ДНК не постоеа па така дури во 2014 година, по повеќе барања од страна на осуденикот, владата му предложила да направи споредба на неговите отисоци со спермата најдена на телото на жртвата Урсула Браун. Резултатот покажал дека Мартин не е виновен.
Обвинителот Роналд Махен исто така и се придружил на одбраната на Мартин: “Пред 30 години Кевин Мартин беше неправедно обвинет како човек кој силувал и убил. Иако Мартин бил праведно осуден за кражба со оружје, тој не е виновен за силување и убиство и тој неправедно мина долги години во затвор”, рече тој.
Кон крајот на 90те години еден извештај на генералната инспекција на министерството за правда покажал дека има тешки неправилности во истрагата водена од аналитичарите на ФБИ.
Махен додаде дека во текот на сите години Мартин упорно повторувал дека не е виновен па “сега му се придружуваме за да го обелиме неговото име”, рече Махен пред судијата подвлекувајќи дека овој случај покажува дека правдата треба да продолжи да ги бара судските грешки.
Организацијата Innocence Project тврди дека има 317 осудени кои биле прогласени за невини благодарение на тестовите ДНК од кои 18 биле осудени на смрт а дури 70 проценти од нив биле Црнци.