На барање на Владата на Индија, САД ќе повлечат еден официјален претставник од својата амбасада во Њу Делхи после тензиите во кои е инволвирана индиската дипломатка, јавува Си- Ен-Ен.
Одлуката доаѓа откако случајот со Devyani Khobragade, чие декемвриско апсење и соблекување при претрес во Њујорк ги затегна односи меѓу Њу Делхи и Вашингтон.
Портпаролката на Стејт департментот, Џенифер Псаки рече дека таа се надева дека ова ќе помогне при затворање на инцидентот.
Американските обвинители ја обвинуваат Khobragade за лажење при издавање на визи и за тоа колку таа ја плаќала нејзината домаќинка. Таа беше обвинета оваа недела од страна на федералната порота- за фалсификување визи и за давање лажни изјави.
Нејзината куќна помошничка исто така јавно излезе да ја критикува.