САД воведоа санкции против претседателот на Република Српска Милорад Додик, поради како што се наведува во образложението, опструкции на Дејтонскиот договор.
Тоа го потврди и американската амбасадорка во БиХ Морин Кормак
– Милорад Додик му се спротивстави на Уставниот суд на БиХ, го прекрши законот и претставува значителна закана во врска со спречувањето на спроведувањето на Дејтонската спогодба.
Санкциите подразбираат забрана на патување во САД и замрзнување на имотот на територијата на САД, како и во сите земји кои ќе им се придружат на овие санкции.
Додик застана зад одржувањето на референдумот во септември лани за одбележување на 9 јануари како ден на Република Српска, иако Уставниот суд на Босна и Херцеговина се изјасни дека таквото одбележување преставува дискриминација за несрпското население во БиХ, американските претставници го оценија референдумот како кршење на законите и како обид за поткопување на мировните договори.
Гласањето единствено беше поздравено од Русија.
Пред неколку недели Додик соопшти дека бил поканет на инаугирацијата на избраниот американски претседател Доналд Трамп на 20 јануари во Вашингтон, но оти американската амбасада во Сараево одбила да му даде дипломатска виза.
Тој најави дека сега ќе бара регуларна американска виза.
Ова е Тема на денот на Радио Слободна Европа на македонски јазик.