Првиот човек на грчката Влада, Антонис Самарас, изјави дека Грција нема повеќе да штеди. Премиерот даде ветување во време кога меѓународните кредитори го продолжија прегледот на клучните реформи во Грција.
„Повеќе нема да штедиме. Штом ќе биде отстварен економскиот пораст, ќе започнат мерките за олеснување“, порача премиерот.
Самарас напомена дека грчката економија сеуште не излегла од „интензивна нега, од болница“.
Претставниците од „тројката“ кредитори, Европската Унија, Европската централна банка и Меѓународниот монетарен фонд, моментално во Атина ги следат чекорите кои Грција ги превзема да ги исполни обврските во рамки на програмата за помош која и е одобрена.
Проблематичните делови со кои Атина треба да се избори се намалнувањето на бројот на вработените во јавните сектори, забрзувањето на приватизацијата и докапитализацијата на четирите најголеми банки.
Инспекторите на „тројката“ го продолжија претстојот во Атина за една недела и ја откажаа средбата со Самарас. Меѓутоа премиерот наведе дека нема никакви проблеми при преговорите.
Според условите на договарање во рамки на програмата за помош, Грција треба да укине 25.000 работни места во јавниот сектор оваа година и вкупно 150.000 до крајот на 2015. За презадолжената Грција ова е веќе шеста година во рецеија која ја минува наслонувајќи се на пакетот за меѓународна помош избегнувајќи банкрот. Застанувањето на нозе, односно враќањето на економскиот пораст, порано прогнозирано за 2012, сега се очекува не порано од 2014 година.
ЕУ и ММФ , уште од 2010 за помош на нашиот јужен сосед издвоија 240 милијарди евра, Исплатата на следната помош, вредна 2,8 милијарди е предвидена за крајот на март.