Словенецот Самуел Жбогар денес го имаше својот прв работен ден во Делегацијата на Европската комисија во Скопје. Од денес тој е претставник на Европската комисија во Македонија на местото на Естонецот Аиво Орав.
Тој денес на официјалниот твитер-профил на Делегацијата на ЕУ во Скопје објави фотографија на која се гледа како влегува во зградата каде што е сместена неговата канцеларија.
Жбoгар работел во словенечката амбасада во Пекинг каде што работел до 1995 година а потоа бил заменик-амбасадор на Словенија во Обединетите нации (ОН) во Њујорк и заменик на Постојаниот претставник на Словенија во Советот за безбедност на ОН кога Словенија беше привремена членка во 1998 и 1999 година.
Меѓу 2001 и 2004 година, Жбогар беше државен секретар во Министерството за надворешни работи на Слoвенија, во кабинетите на Јанез Дрновшек и на Антон Роп. Во 2004 година, тој беше назначен за амбасадор на Словенија во САД, а исто така бил дел и од групата за преговори за членство на Словенија во ЕУ и главен преговарач за членство во НАТО. Во ноември 2008 година, тој е именуван за министер за надворешни работи во централно-левичарската влада на Борут Пахор со кого е другар од школски денови.
Во Македонија Жбогар доаѓа од Косово каде што беше специјален претставник на ЕУ.