Со филмот „Епизода од животот на собирачот на железо“ на Данис Тановиќ, кој зборува за дискриминацијата на малцинствата во Босна и Херцеговина, особено на ромскота заедница, на 16 август ќе биде отворено 19. издание на Сараевскиот филмски фестивал.
Новиот филм на оскаровецот Данис Тановиќ, кој на 63. Берлинале, имаше светска премиера и освои „Сребрена мечка“ за филм и награда за актерот Назиф Мујиќ.
Директорот на Сараевскиот филмски фестивал, Мирсад Пуриватра, рече дека е задоволен што продолжува традицијата, фестивалот да се отвори со домашен филм, особено заради фактот шт се работи токму за босанскиот Оскаровец , кој годинава, освои престижна награда и во Берлин.
„Мислам дека е нужно да се види оваа приказна, не само за да се иницира дискусија за нашето општество и сите видови на отуѓеност и дискриминација кои се присутни во него, туку низ една емоционалната перцепција на жртвата да дојдеме до моментот во кој самите ќе си го поставиме прашањето: Какви луѓе сме станале“, рече Тановиќ, по повод одлуката СФФ да се отвори со неговото остварување.
Филмот „Епизода од животот на собирачот на железо е копродукција на Босна и Херцеговина, Франција и Словенија, се базира на вистинска приказна и е за отуѓувањето и дискриминацијата во современото општество, во БиХ, раскажана преку несреќата на еден ромски пар.
Актерите во филмот на Тановиќ – Сенад Алимановиќ, Назиф Мујиќ, Санда Мујиќ и Шемса Мујиќ, се автентични учесници во еден од најголемите скандали во здравството во БиХ.
Во филмот е прикажан Назиф кој го издржува семејството со собирање старо железо, но едвај состава крај со крај. Секој ден тој оди да собира старо железо, додека неговата сопруга Сенада се грижи за домот и двете деца. Трето дете е на пат. По долг ден на работа, Назиф се враќа дома и ја наоѓа Сенада на креветот во болки. Следниот ден, тој позајмува автомобил и ја носи сопругата во најблискиот здравствен центар. Дијагнозата е абортус – пет месеци таа носела мртов фетус.
Ситуацијата е критична и е потребни итна операција. Сенада нема здравствено осигурување и болницата бара од неа да плати 980 конвертибилни марки (околу 500 евра), што е цело богатство за скромниот собирач на старо железо.
И покрај молбите на Назиф, во болницата одбиваат да ја оперираат Сенада и тие се враќаат дома. Следните десет дена, Назиф ќе стори сé што е во негова моќ за да го спаси животот на Сенада – очајно собира што повеќе старо железо, бара помош од невладините и владините институции … Во тие десет дена Назиф и Сенада ќе ја доживеат целата суровост на модерното општество.
Ова е петти игран филм Тановиќ, кој во 2001 година дебитираше со „Ничија земја. Филмот кој се занимава со војната во Босна 1993. освои Оскар и Златен глобус за најдобар странски филм, како и награда за најдобро сценарио на Канскиот филмски фестивал и на Европската филмска академија.